talobèh!
ngarakrak rasa nu aya
ngajadi geuleuh
lalawora!
ngabacakar katresna
ku polah nu keur salira
jiga nu teu pira
tega!
nandasa sakur pasini
nuaran impenan
ku sikap nu nyamuni
mana tapakna kaheman?
mana gurat katresna?
mana hariwang nu sasari atra?
ukur sa'abna angkara
nu kalis ngamuara jero dada
ada yg salah denganku akhir2 ini...
sikap dan perasaanku. menjadi lebih arogan dan egois...
mestinya pengalaman hidup mengajariku tentang kesabaran dan lebih berlapang dada akan segala hal yg terjadi dalam hidupku...
segenggam kemarahan...entah untuk siapa....entah kepada siapa...mungkin kemarahan untuk diriku sendiri...untuk hidup yang ku lalui.
lelaaahhhh ya Robb
hiks........tapi mestinya aku bersyukur...apapun yg terjadi adalah jalanku...semua ada hikmahnya...ya...ada hikmahnya...
aku hrs yakin...ini yg terbaik yg Alloh kasih untuk aku....
insya Alloh...
mencrong...
jalan nu baris di sorang
masih aya sumanget nu rohaka
geusan ngalèngkah
gelenyu...
masih aya imut nu kareu'eut
nu masieup raray
pikeun ngotrètkeun lambaran anyar
tunggara waktuna ingkah
cimata kantun keyembengna
inghak waktosna reureuh
dareuda kantun tapakna
gilig...
nyorangan moal matak ringrang
kepat nyingraykeun mega nu kulawu
ranggeuyan harepan nyacas ca'ang
mangsana bagja pasti tinemu
" meski tanpa dirimu "
mangsa hatè di angkir lamunan anjeun
cimata tèh nyaliara mapay tepas hatè
sabab panto, jandèla, lalangit katut suhunan
kabèh nepungan anjeun nu mucicid ku sajak
nu di imah kuring mah kalah bulukan
mangsa rasa di jajap lamunan anjeun
geter kapeurih lir taya suda minuhan raga
sabab cinta, katresna jeung kaheman
kabèh karam kabawa sagara sawangan
mangsa rènghap teu wasa nyoara
nu nyèsa ukur ngungun kuciwa
beurang peuting alum ngotret raray tunggara
ngawagu...
rumahuh...
tumungkul...
taya basa...ukur keclak - keclak dareuda
naha...???
bet nyegruk ku sajak sorangan
dina sorot soca anjeun
lalakon nyungsi pirang - pirang lamunan
nu sa'ab ku hawa katresna
tina soanten anjeun
aya harèwos nu kepat kamelang
dina lambaran carita kamari nu geus di rancang
wakca anjeun mèpèndè papanggè hatè
bgarakrak reu'euk nu minuhan rahuh kulawu
nu nyimbeuhan ibun nu nyalangkrung dina pangharepan
lebah pucuk - pucuk sawangan
kereteg mapay rasa nu barungsinang
muru kalimah nu teu elat di gundamkeun
tina sakur kaca lambaran lalakon urang
hanjakal....!
taya tapakna________
Peuting ieu...
Dina mangsa mapag impènan
Simbutan kuring ku kadeudeuh
Anu pageuh...!
Peuting ieu...
Dina mangsa mapag simpé
Pêpéndé kuring...!
Ku tresna nu baheula
Peuting ieu...
Dina impènan kuring hayang jongjon
Guntreng padudua'an medar carita
Ocon banyol silih simbeuh katresna
Ngumbar kasono nu sasari
Ngan urang dua'an
Tilem dina sagara kabagjaan
Sanajan ukur sapeuting ieu...
Ngulisik...ray beunta
émut impênan...
Rambisak...
Nginghak...
Nyesek...
hatè asa di sasa'ak...
Acgh...teuing geuning sedih kacida
Impènan lirih tunggara
Salira nu ngagunasika cinta
Nyanding harepan nu kalan binasa
Cag cinta...!
Bral tunggara...!
Geura miang kuciwa...!
Urang palidkeun dina pucuk - pucuk
Ranggeuyan du'a
Terkadang aku merasa sangat sendiri...tak ada yg mengerti pdhl aku mencoba mau mengerti...mencoba merangkul tp hanya tatapan aneh yg ku dapat...mencoba membaur tapi hanya keanehan yg kutemukan...apa yg salah...diriku kah...ya mungkin diriku yg berbeda.....mana yg mesti ku buang? Mana yg hrs ku perbaiki? Hanya senyap yg kutemukan...lelah nian Ya Robb.....teramat sangat....
Teu pira...
Neuteup potrét salira
Nu masih satia ngeusian lolongkrang rasa
Teuteupna ...estu mitresna
Imutna...gelenyu kebek ku cinta
Jirimna...matri mapaés raga
Nyawang carita urang duaan
Ocon banyol dina amparan kaheman
Jungjunan...
Ngolèmparna hatè nu simpè
Mirig galècokna haté
Ngamalirkeun pucuk - pucuk kuciwa
Acchhh...
Potrêt salira masih nyampak dina rohangan kalbu
Masih tumapel rapet ngulawu
Dina pilar kalbu
Nyangsaya....
Guligah ku siksa cinta
Mudalkeun keclak - keclak cimata
Cimata tresna
Ka salira________
Kuring hayang jiga kamari
Kuring hayang silih asih jiga kamari
Kuring hayang pacantèl kamelang jiga kamari
Kuring hayang padeukeut ati jiga kamari
Kuring hayang jangji pasini nu kamari
Uuggghhh....
Kahayang nu kamari
Nyèsakeun kanyeri
Ninggalkeun tatu nu ngageuri
Malidkeun cimata sèsa carita kamari
Kang....
Masih aya tamperan asih salira nu kamari?
Masih aya sorot kamelang anjeun nu sasari jiga kamari?
Masih pageuh gurat deudeuh salira nu kamari?
Acchhh....
Naha ngungun manjing diri kuring
Nyaliara mawa sungkawa
Ngareuykeun tali angkara
Nyupata carita kamari
Nu pernah urang sorang
Sèsa karingrang
Kiwari juuh na juru mata
Beu'eus ...ku dareuda
Nu galècok dina kalbu
Bedah marudah malidkeun kulawu
Ngamalirkeun ibun - ibun kabendu
Nyangkrung na juru mata
Taya sora
Taya basa
Taya carita
Mung gumeterna rasa
Aaarrrrggghhh...kacipta
Jirim salira
Kangeeeeennnnnn
@myb1ho
mapay - mapay tapak cinta
nu pernah èndah karasa
nyipta bagja dina rangkulan salira
geugeut pageuh moal udar subaya
didinya....
palebah tangkal kaheman
aya asih nu marugulan
aya heman nu meulitan
geusan ngahiji dina kabagjaan
huh...rumahuh
mungguh seunggah
geuning ayeuna tugenah
ngalèlèwaan lengkah
naha ukur simpè
nu satia minuhan hatè
dimana...
kamana...
cinta nu majar panungtungan
harepan nu majar ukur dua'an
salira taya hawarna
anteng!!!
Harita...
Aya ririh kahèman
Aya useup kadeudeuh
Aya jeujeur katresna
Galindeng nu mèpèndé kalbu
Di bakutet jangji pasini
Ach.....romantis
Hanjakal beut akhirna tragis
______
Jangjang peuting
Nalungkup
Maseuhan waruga nu
Kabulusan
Kamana atuh bèntang
Geuning anjeun teu werat
Nèmbongan
Meureun nyumput dina méga hideung
Ngadodoho ngadagoan
Turun na hujan
Pupuh asmarandana
Midangdaang haté nu kabandang
Kabandang kanu ngilang
~~~~~
Bls
Nyangkrung dina bangbarung diri
Nyangsaya dina pilar rasa
Ngalelewe mapay gerentesna ati
Ngalecrakan malidkeun cimata
Dimana hibar kasono
Kamana harewos nu ngadodoho
Nu biasa nyumangetan lengkah
Nu bihari ukur hawar kawegah
Ach....
Naha teu sadrah?
Naha beut ngarasula?
Naha beut sumerah?
Jalan pilempangan masih bengras
Tapak kabingah ngantos nyacas
Sanajan nyorangan ngalengkah
Bagja pasti pinanggih
Di sarengan ku pamrih
ka Gusti nu maha asih
Cag bangbaluh.....
Ngararaoskeun kanyeri
Pacampur cinta nu matri
Naha bet teu saati?
Apan pasini nyanding mapaes ati
Nu nampeur dina tutungkusan kalbu
Kamana udat harepan nu ngawiru
Aacchh kelabuuuu_____
Dalingding nu maneuh
Nyipta nu dideudeuh
Bati ngarakacak...
nganjangan carita nu pernah kasorang
Kiwari ukur gudawangna
Malidkeun harepan nu kalan nyanding
Ach....kuciwa______
Hariring kuring tilam kaeling
Hariring nu masieup peuting
Sugan nu dipiati nyaring
Geusan sosonoan wanci jempling
...
Ach teu eling!!!
