Girimis pasosoré
Nyankrung dina dadaunan
Keclakna tingtrim nyeboran
Kitu deui ieu harepan
Ligar dipatamanan haté
Kamalir cihujan
Ngagulidag mapay wahangan
Antaré parat ka sagara
Lir ieu impénan
Mapaés peuting nu kaanjangan
Ngagurat imut mangsa lugay tina pangsaréan
Impian kuring jadi catetan
Natrat dina lambaran émutan
Jaga jaganing jaga
Kabagjaan bakal karandapan
Keur kuring jeung salira
29/02/2016