Nitènan...
palebah layung sorè nu mayungan
wanci beurang kasilih peuting
mangsa srangèngè sumurup
nyata lugay di pangbalikan
Èndah...
sumarambah kana bayah
ngèlèkètèk manah
Èstu rasa pinuh ku kabungah
ngolèséd...
muru jandéla
neuteup girimis nu ngagenclang dina dadaunan
patinggurilap kasorot matapoè
mungguh hatè pinuh ku rasa tengtrem
Èndahna sorè ieu
sarua jeung bungahna hatè kuring
nya di dieu...
pajaratan cinta kuring nu saéstu
Nu Aing 010815