Mapag balèbat ngahibaran
Janari nu mèh wekasan
Ciibun tu'us dina genclangna dangdaunan
Tinggarenyas kasorot giwangkara
Nu tèmbong lalaunan
Nya'angan,
Ngahaneutan,
Mèrè harepan nu remen ligar kembangan
Keun baè
Satiap ingetan nu minuhan dada
Masih satuhu nyambat ngaran salira
Bageurna jeung gorèng adatna
Mapaèsan weningna rasa
Moal rèk tatanya
Kamana rasa cinta ngamuara
Sabab salilana maturan
Ngoconan saban rènghapan
Palebah jirim nu satia ngalangkangan
Sanajan anjeun halon ngajauhan
Keun baè !!!
# Nu_Aing™24/05/2017
keuranjeunnudipideudeuhsalamina
