Mubyar ruhay layung sinanglingan
Nepungan
Kuring nu nganti di tungtung sareupna
Nganti angin pasosoré
Nyaritakeun gunung
Nyaritakeun léngkob
Nyaritakeun tegalan harepan
Nyaritakeun anjeun nu kapiati
Hiji ngaran panghias impian
Dikeliran sono dibungkus tatu
Nalika sareupna amitan, nalika peuting nutup carita
Anjeun dimana?
Kuring nu nganti
Nyésakeun purnama nu kamari
Najan balebat hamo kasungsi
RsH12/03/17
Mapay tapak nu kaanjangan
Maluruh deui sempalan - sempalan carita
Nu nyata ngaguratkeun hiji rasa
Kebek bagjana masih atra miraga sukma
Dodoja jeung cimata piligenti nyaliara
Keun baè
Moal rèk ngananaha
Bongan cinta miheulaan unggah
Sahanteuna mèrè kabungah
Sanajan akhirna satia taya hargana
Cidra ieu milik diri
Nu nganti cinta sajati
Insha Alloh moal pahili
So...senyumin ajah lah
Braga_ 04/03/2017
23:46
